السبت، 14 نوفمبر 2015

أهم الخرافات المنتشره في رياضة كمال الأجسام والفيتنس

نظراً لأنتشار رياضة كمال الأجسام فأصبح كل من المبتدئين والهوا يتداولوا النصائح بشكل غير علمي وغير دقيق
لذلك انقل أليك اهم الخرافات المنتشرة والرد عليها

خرافة رقم 1: العب وزن خفيف وتكرار كتير تنشف وتصفى
تصحيح خرافة رقم1: التكرارات الكتير بتبقى تمرينة anarobic يعنى كل ما هتطول فى مدتها تؤدى الى فقد كتلة العضلية الافضل لعب ال aerobics

خرافة رقم 2 : انا هلعب بطن وتويست كل يوم علشان اخسس الوسط
تصحيح خرافة رقم 2 : مستحيل تخسس منطقة واحدة بدون عملية جراحية وانما الدايت المناسب ونظام التدريب المناسب .

خرافة رقم 3 : البس كيس علشان اعرق ولما هعرق هخس وانزل دهون
تصحيح خرافة رقم 3 : العرق لا يعنى فقد للدهون وانما تفسير ظاهرة التعرق هو الاتى :-
ان جسمك بيبقى فى حالة اتزان بدنى homeostasis يعنى بيبقه فى حالة شبه ثابتة بالنسبة للوسط المحيط لو ارتفعت درجة حرارة جسمك عن 98.6 فهرنهايت المخ بيبتدى يبعت اشرات لافراز عرق لخفض درجة حرارة جسمك
واذا انخفضت درجة حرارة جسمك عن 98.6 فهرنهايت بيترعش جسمك وينتج عن الارتعاش حرارة ترفع درجة حرارة جسمك .

خرافة رقم 4 : اوعه تشرب ماء كتير لحسن يتحبس فى جسمك ويبقه شكلك وحش
تصحيح خرافة رقم 4: الماء عنصر اساسى للحياه وبيساعد على التخسيس وينصح بالا تقل كمية الماء عن 8 اكواب يوميا وسبب احتباس الماء عند بعد الناس هو الزيادة فى عنصر الصوديوم لذلك ينصح بالتقيل من الملح والمخللات .

خرافة رقم 5: امينو 2222 رئع لتقسيم الجسم وابراز العضلات
تصحيح خرافة رقم 5: 2222 هو مكمل غذاءى القرص به 2222 مللى جرام بروتين يعنى 2.222 جرام بروتين ماخوذ من كذا مصدر بحيث يحتوى على جميع الاحماض الامينية الاساسية والغير اساسية ومتفرعة السلسة
يعنى بيساعد على زيادة الكتلة العضلية وعمره ما هيحرقلك دهون لكن الميزة فيه انه منخفض السعرات يعنى مش بيعمل دهون ولكن الواى افضل منه من حيث السعر والاداء .

خرافة رقم 6 : الكارياتين بيساعد على حرق الدهون
تصحيح خرافة رقم 6 : الكرياتين يهدف الى زيادة انتاج مركبات ATP وهى المسؤلة عن نقل الطاقة مما يساعد على عدم الشعور بالتعب بسرعة ومش يحرق دهون ويعطينى طاقةكما ان له دور فى زيادة الكتلة العضلية عن طريق تخزين ماء بشكل افضل فى الخلية العضلية .

خرافة رقم 7 : انا هاخد ليبو 6 وهخس من غير تعب
تصحيح خرافة رقم 7 : يا سلام اصلا حرق الدهون بيبتدى عند الوصول الى heart rate معين وظيفة حارق الدهون انه بيوصلق للنقطة دى فى وقت اقل ومجهود اقل لكن لازم دايت مناسب وتدريب مناسب .

خرافة رقم 8 : انت لو بتلعب كمال اجسام ونويت تصفى لازم منشطات
تصحيح خرافة رقم 8: هو فعلا لو عاوز تبقى ضخم زى اللعيبة المحترفين لازم منشطات
اما لو ناوى تصفى زيهم فانت مش محتاج منشطات
بس ما تخفش بما ان الموضوع اصلا معمول للناس الى مش عاوزه ضخامه بس عاوزه تصفى اطمن انت مش هتبقه ضخم من غير منشطات .

خرافة رقم 9 : انا عاوز اصفى يبقه اقلل الاكل على الاخر
تصحيح خرافة رقم 9 : الدايت منخفض السعرات فاشل بيحقق نتايج فى اول كام اسبوع بس لكن بعد كدة ولان زى ما قلنا الجسم فى حالة اتزان بدنى بيبتدى جسمك ياقلم نفسه على عدد السعرات ده وبيسد العجز من العضلات فتلاقى نفسك بتخس عضلات والكارثة كمان انه السعرات القليلة اللى جاية من الدايت الفاشل جزء منها بيتخزن على هيءة دهون يعنى هتلاقى نفسك رفيع ومليس وجسمك كله خطوط بيضة ولا مؤخذة طرى زى البنات.

خرافة رقم 10 : انا هلعب بطن كل يوم وعلى الريق علشان تقسم
تصحيح خرافة رقم 10 : لعب البطن كل يوم مضر لان البطن زى اى عضلة بتحتاج استشفاء لا ينصح بالعب اكتر من مرتين فى الاسبوع وغلط على الريق لانك بتستنفذ مخزون الجليكوجين اثناء النوم ولما تصحه تلعب بطن ده بيهدد حرق العضلات.