الأربعاء، 7 أكتوبر 2015

هل هو حقاً Vin Diesel صاحب الجسم الرياضي الممشوق

السؤال هل الصور دي حقيقية ولا فوتوشوب ؟!
للأجابة على السؤال ده لازم الأول تعرف ان رياضة كمال الأجسام...


السؤال هل الصور دي حقيقية ولا فوتوشوب ؟!
للأجابة على السؤال ده لازم الأول تعرف ان رياضة كمال الأجسام ملهاش عزيز
هتسيبها=هتسيبك
اي نعم هي ممكن تتحملك لفترة لو بعدت عنها لكن في النهاية النتيجة هتكون محسومه.

انت ممكن تحافظ على اكبر قدر ممكن من الحجم العضلي لو بعدت عن التمرين بأنك تهتم وتنظم التغذية بتاعتك.
لكن في النهاية لازم نعترف ان هيكون في خسارة.
اكيد شكلك وانت بتتمرن مش هيكون زي ما انت مبطل تمرين.

جسم فان ديزل خليط بين نوعية الأندومورف والميزومورف ، يعني من السهولة ان وزن الدهون في جسمه يزيد خصوصاً لو هو مبطل تمرين ومبوظ الأكل بتاعه.




وخلونا نكون صرحاء مع انفسنا
الناس اللي بتعمل فورمه جامده وتحافظ عليها طووول السنه هما بنسبة 99% بيكونوا شغالين في مجال يتطلب انهم يكونوا فورمه على طول.
زي مثلاً لاعبين الفيتنس .. صور مجلات وصور لأعلانات ألخ.
هو ده رزقهم واكل عيشهم لازم طول السنه يبقى فورمه وبياكل بمعاد وينام بمعاد.

لكل اي حد تاني واخد الموضوع هوايه او حب لرياضه كمال الأجسام
هيفضل يتقلب بين مرحلة الى مرحله ونادر اللي بيحافظ على الفورمه بتاعته 12 شهر في السنه خصوصاً لو جسمه زي ما قلت اندومورف واميزومورف.

نيجي بقى لفان ديلز
بالنسبة له مفيش مشكله لو كانت الصورة حقيقي او لأ
هو لو عايز يرجع في اي وقت ويتمرن ويعمل جسم احسن من الأول هيعمل كده وبسهولة.
ممكن جداً ان في شخصيه في فيلم جديد هيعمله تتطلب ان جسمه يكون بالشكل ده.

ووارد ان الصورة تكون حقيقيه بس المؤكد انه مش هيفضل كده كتير خصوصاً ان اغلب افلامه بتعمد على الأكشن وانه يبين العضله :)




بتاريخ اليوم 7/10/2015
الصورة دي منشوره انهارده على صفحته الرسميه
واضح فيها ان دراعه فعلاً خاسس جداً ومش مشدود!