الأحد، 20 سبتمبر 2015

نتائج وتقييم مستر أولمبيا 2015

نتائج وتقييم مستر أولمبيا 2015



نتائج وتقييم مستر أولمبيا 2015
----------------------------------
2015 Mr. Olympia Finals Winner.
:.
Phil Heath 5X's!!! $400,000
2- Dexter Jackson
3- Shawn Rhoden
4- Dennis Wolf
5- Big Ramy
6- Branch Warren
7- Roelly Winklaar
8- William Bonac
9- Victor Martinez
10- Essa Obaid

مبروك لفيل هيث اللقب لخامس سنه على التوالي.

انجاز لدكستير جاسكون انه ياخد المركز الثاني وهو في السن ده شيء رائع.

دينيس وولف توقعت ليه التالت بس شون رويدن اشتغل على نفسه من ناحية التنشيف العضلي وحل المركز الثالث

انجاز لرامي كويس جدا انه ياخد المركز الخامس وظهر بمظهر افضل وقدم يخسر كم كبير من المياه من جسمه وياريت كان عمل كده من الاول كان ممكن ياخد الرابع.

برانش وورن بداء في التراجع والمركز السادس كويس عليه

رولي وينكلير تقريبا زي ما هو وهي هي المراكز بتاعته ما بين السابع والتامن وهو فعلا حل المركز السابع.

ويليام بونس كان مفجاءة وعمل مركز كويس جدا ومستواه بيتقدم في كل بطولة لكن ببطئ.

فيكتور مارتينز حل التاسع وانا بصراحة حزين عليه جدا لانه في يوم من الايام كان منافس قوي على المركز الاول وكان بيحل الثاني ومستواه تراجع جدا.

عيسى بسيط ظهر بمستوى ممتاز واول مرة يدخل بين ال 10 الاوائل وان شاء الله السنة الجاية يتطور اكتر من كده

وكده في اتنين عرب بين ال10 الاوائل وده شرف للعرب كلهم وكنت اتمنى ل محمد بنوت مركز افضل من كده لان ظهر بمستوى رائع بس دي طبعا اول مشاركة ليه ف لسه مافيش خبرة كافية

العزيز جلاجي كان مستواه سي جدا لا يليق بمستر اوليمبيا مستوى اجبره على الانسحاب بعض العرض السري مع انه في اخر بطولة ظهر بمستوى فوق الممتاز بس مش عارف ازاي مستوى تدهور في الفترة دي.

البطولة في ابطال كتير ملعبوش فيها وده اثر على متعتها كاي جرين وسدريك وجستن كومبتن والبطولة كان محسومة ل فيل هيث من البداية.